Կարևորվել է աշխատանքի թափանցիկությունը

ՀՀ առողջապահության նախարար Դերենիկ Դումանյանն ընդունել է ԱՄՆ «Դայրեկտ Ռելիֆ Ինթերնեյշնալե կազմակերպության միջազգային ծրագրերի տնօրեն Ժենևյե Բիտերին և կազմակերպության գլխավոր դեղագետ Քեթլին Գրաբովսկուն:

Հյուրերը հակիրճ ներկայացրել են կազմակերպության առաքելությունը և անցած ուղին: 

Նախարար Դումանյանը նշել է, որ կազմակերպությունը 1989-ից ԱՄՆ Միացյալ հայկական հիմնադրամի միջոցով Հայաստանին ևս մեծապես աջակցել է` նվիրաբերելով դեղեր և բժշկական պարագաներ:

Հայաստանում և Լեռնային Ղարաբաղում կամզակերպությունը իրականացրել է ինչպես հումանիտար օգնության, այնպես էլ կրթական ծրագրեր: 

Ժենևյե Բիտերին ՀՀ առողջապահության նախարարին առաջարկել է տրամադրել անհրաժեշտ դեղերի և պարագաների ցանկ, որպեսզի կազմակերպությունը հստակ պատկերացնի Հայաստանի կարիքները:

Որպես համատեղ աշխատանքի գրավական կարևորվել է թափանցիկությունը և դեղորայքի հասանելիությունն ու հասցեականությունը: 

Դերենիկ Դումանյանը նշել է, որ խնդրի կարգավորման առումով առաջիկայում կմշակվեն և կներդրվեն մեխանիզմներ: 

Կողմերը կարծիքներ են փոխանակել առողջապահության քաղաքականության, բժշկական ապահովագրության, վճարման մեխանիզմների, այդ թվում` արտասահմանցի հիվանդների համար, ինչպես նաև իրականացված բարեփոխումների վերաբերյալ: 

Հարցեր, պատասխաններ, մեկնաբանություններ